Fä lea boares sátni lihtarii, namalassii ealibat nugo gusat, sávzzat ja gáiccat. Fäáittis leat moadde huksehusa čoahkis, viesut, fädohpi ja mielkeviesut.

Vai gusat galget birget dálvvi mii fertejit bidjat daid sisa ja biebmat daid. Biepmu ferte čohkket geasi áiggi. Dan sadjái go diktit lihtariid guohtut gittiin dálu lahkosis de sirde daid fäáitiái meahcis. Geasset ožžo lihtarat guohtut meahcis ja de sii nihte daid rásit mat šadde gittiin viesu birra ja daid seste dálvebiebmun. Dálvet vižže fäáitti baikkaid ja háddjejedje daid gilvingittiide. Dávjá leai giliin oktasaš fäáitti gieddi gosa sirde lihtariid.

Nuorat nissoniin, beallešaddiin ja nuorain leai ovddasvástádus fäáittiin. Máhtii ovdamearkka dihte leat nieida ja sullii seammá ahkásaš biigá geat jođiiga fäáitái ovttas lihtariiguin. Sudno bargu leai suitet ealibiid. Geahččat bearrái ahte bohte sisa eahkes ja luoitit olggos daid iđđesárrat. Bohčit daid árrat ja eahkes , goarjidit mielkki, ráhkadit vuostá, vuoššat misu ja ráhkadit vuoja. Dasa lassin galggaiga várjalit ealibiid meahci váralašvuođaid vuostá, boraspiriid ja eará balddonasaid.

Ii leat buorre diehtit man guhká fäáitekultuvra lea gávdnon, muhto lea jáhkehahtti ahte vierru álggii juo ruovdeáiggis. Okta dain boarráseamos čálalaš duođaštusain Ångermanlándda fäáitti dollui lea gávdnon  Vibyggeråas jagi 1558 rájis.